დღის Top 10 საინტერესო ამბავი:
1. ნულთან მიახლოებული მოგება და გაორმაგებული ნეგატიური სესხების რაოდენობა - საბანკო ასოციაცია ბანკების 2020 წელს აჯამებს.
2020 წლის იანვარ-ნოემბერში ქართულმა კომერციულმა ბანკებმა ჯამში 1.5 მილიონიანი ზარალი განიცადეს. ნოემბრის განმავლობში კი, წმინდა მოგებამ 84.5 მილიონი ლარი შეადგინა. ნოემბერში ფინანსური ინსტიტუტების საოპერაციო მაჩვენებლები გაუმჯობესდა და შემოსავლებმა 433.7 მილიონ ლარს მიაღწია, რაც წლიურად 10%-ით არის გაზრდილი.
2. TBC Capital: 2022 წელს საქართველოს ეკონომიკა 7.4%-ით გაიზრდება
თიბისი კაპიტალის მიერ გამოქვეყნებული ეკონომიკური ზრდის პროგნოზის მიხედვით, 2021 წელს საქართველოს ეკონომიკა 4.6%-ით გაიზრდება
3. 1.5 მილიონიანი ზარალი და 570 მილიონამდე გაზრდილი ვადაგადაცილებული სესხების პორტფელი - ბანკების 11 თვის მაჩვენებლები
2020 წლის იანვარ-ნოემბერში ქართულმა კომერციულმა ბანკებმა ჯამში 1.5 მილიონიანი ზარალი განიცადეს. მხოლოდ ნოემბრის განმავლობაში კი, წმინდა მოგებამ 84.5 მილიონი ლარი შეადგინა. ამის შესახებ ინფორმაცია ეროვნულ ბანკის მიერ გამოქვეყნებული ანგარიშშია მოცემული
4. კრიპტოვალუტის მწარმოებელი ფერმები სვანეთში და სასტუმრო ბანგურიანის განცხადება
სვანეთში, დაბა მესტიაში მდებარე სასტუმრო „ბანგურიანის“ დამხმარე ფართში პოლიციამ კრიპტოვალუტის მწარმოებელი ფერმა გამოავლინა, რომელიც უკანონოდ მოიხმარდა იმდენ ელექტროენერგიას, რამდენიც 4-5 სოფელს სჭირდება. ეს ინფორმაცია „ენერგო პრო ჯორჯიამ გაავრცელა.
5. ერთი წელი კინოსეანსის გარეშე - „არ არსებობს საქართველოში ჩვენ გარდა ბიზნესი, რომელიც ერთხელაც კი არ გახსნილა
2021 წლის მარტის თვეში ზუსტად ერთი წელი გახდება, რაც საქართველოს კინოთეატრების დიდი ეკრანები ჩამქრალია. პანდემიის გამო დაწესებული შეზღუდვებიდან გამომდინარე კინოს ბიზნესი, არაერთხელ ელოდა მუშაობის ნებართვის მიღებას, თუმცა როგორც „კომერსანტთან“ „კავეა თბილისი მოლის“ მფლობელმა ბაკურ ლაშქარავამ აღნიშნა, საფუძვლიანი ვარაუდით, მარტამდე კინოჩვენებები არ აღდგება.
6. სავაჭრო ცენტრებთან ხალხის ნაკადმა საგრძნობლად იმატა( ფოტოები)
ობიექტების ადმინისტრაციაში აცხადებენ, რომ ხალხის ნაკადმა გუშინდელთან შედარებით საგრძნობლად იმატა, თუმცა ისინი სიტუაციას აკონტროლებენ და იცავენ ყველა შესაბამის რეგულაციას
7. „წელს გაყიდვები განახევრდა, თუმცა თანამშრომლების სრულად შენარჩუნება მოვახერხეთ - „კია მოტორსი
კია მოტორს ჯორჯიას მარკეტინგის დეპარტამენტის ხელმძღვანელმა სალომე ჯანაშვილმა „კია მოტორსში“ დაგეგმილ სიახლეებზე და წინასაახალწლო აქციებზე ისაუბრა. მისივე განცხადებით, კომპანიამ მომხმარებლის თითოეული სეგმენტის საჭიროებები გაითვალისწინა და საახალწლოდ მათ რამდენიმე აქცია შესთავაზა.
8. პანდემიამ „კულას“ გაფართოების გეგმები დაუპაუზა
საკონსერვო წარმოება „კულას“ დამფუძნებელი ვანო გოგლიძე „ბიზნესპარტნიორთან“ 2020 წელს აჯამებს და აცხადებს, რომ მიმდინარე წელი რთული იყო, თუმცა კომპანიის მენეჯმენტმა მაქსიმალიურად ეცადა სრულყოფილად გაესტუმრებინა ის ვალდებულებები, რაც სახელმწიფოსთან ან კერძო დამკვეთებთან ჰქონდა.
9. ბრიტანეთი და ევროკავშირი Brexit -ის პირობებზე შეთანხმდნენ
ბრიტანეთის ევროკავშირიდან გასვლის თაობაზე რეფერენდუმიდან 4 წლის შემდეგ ლონდონმა და ბრიუსელმა ხელი მოაწერეს შეთანხმებას, რომელიც მათ შორის ურთიერთობებს დაარეგულირებს
10. The Guardian: აშშ-ში 2020 წელს სიკვდილიანობა ისტორიულ მაქსიმუმზეა
სავარაუდოდ, 2020 წელი სიკვდილიანობის კუთხით ქვეყნის ისტორიაში ყველაზე მძიმე იქნება - თუ არ ჩავთვლით ომების პერიოდებს.