ახალი კვლევის მიხედვით, ნიუ-იორკმა მსოფლიოში საცხოვრებლად ყველაზე ძვირად ღირებული ქალაქების რეიტინგში ჰონგ-კონგს გადაუსწრო. რაც შეეხება სინგაპურს, გაზრდილი ქირის ფასის გამო, ის მე-13 ადგილიდან, პირველად მოხვდა ხუთეულში.
იმ მიზეზებს შორის, რის გამოც ნიუ-იორკი ცხოვრების ხარჯების რეიტინგში ლიდერობს არის - მაღალი ინფლაცია და საცხოვრებლის ხარჯების ზრდა. ამის შესახებ Bloomberg ECA International-ი ანალიტიკოსებზე დაყრდნობით წერს.
ECA International-ის ანგარიშში ნათქვამია, რომ სამხრეთ-აღმოსავლეთ აზიაშიც საცხოვრებელი ხარჯების მნიშვნელოვანი ზრდა დაფიქსირდა. წელს ყველაზე დიდი ზრდა სტამბოლმა დააფიქსირა და, 80%-იანი ინფლაციის წყალობით, 108-დან 95 პოზიციაზე გადაინაცვლა.
რუსი ექსპატრიანტების შემოდინების გამო, დუბაიში ქირა თითქმის მესამედით გაიზარდა, რამაც ქალაქი მე-12 ადგილზე აიყვანა.
მიუხედავად იმისა, რომ, სუსტი ვალუტის გამო, ევროპის ქალაქების უმეტესობა რეიტინგში დაწინაურდა, ნორვეგიის და შვედეთის ქალაქები ჩამოქვეითდნენ.
მაღალი ინფლაციის გამო, აშშ-ს ყველა ქალაქის რეიტინგში მკვეთრად დაწინაურდნენ, სან-ფრანცისკო ტოპ 10-შიც კი მოხვდა.
მსოფლიოში საცხოვრებლად ყველაზე ძვირად ღირებული ქალაქების 20-ეული ასე გამოიყურება (2022 წლის რეიტინგი ფრჩხილებში):
- ნიუ-იორკი, აშშ (2022 წლის რეიტინგში - მე-2)
- ჰონგ კონგი, ჩინეთი (1-ლი)
- ჟენევა, შვეიცარია (მე-3)
- ლონდონი, დიდი ბრიტანეთი (მე-4)
- სინგაპური (მე-13)
- ციურიხი, შვეიცარია (მე-7)
- სან-ფრანცისკო, აშშ (მე-11)
- თელ-ავივი, ისრაელი (მე-6)
- სეული, სამხრეთ კორეა (მე-10)
- ტოკიო, იაპონია (მე-5)
- ბერნი, შვეიცარია (მე-16)
- დუბაი, UAE (23-ე)
- შანხაი, ჩინეთი (მე-8)
- გუანჯოუ, ჩინეთი (მე-9)
- ლოს-ანჯელესი, აშშ (21-ე)
- შენჯენი, ჩინეთი (მე-12)
- პეკინი, ჩინეთი (მე-14)
- კოპენჰაგენი, დანია (მე-18)
- აბუ-დაბი, UAE (22-ე)
- ჩიკაგო, აშშ (25-ე)
შეგახსენებთ, რომ ამ რეიტინგის შედგენისას ECA International აანალიზებს სამომხმარებლო საქონლისა და მომსახურების ღირებულებას, ქირის ღირებულების გათვალისწინებით იმ ადგილებში, სადაც ჩვეულებრივ უცხოელები ცხოვრობენ, რათა შეაფასოს 207 ქალაქი 120 ქვეყანაში მთელს მსოფლიოში.
