დაუსახლებელი ჰერდი და მაკდონალდის კუნძულები, რომლებიც ინდოეთის ოკეანეში, ანტარქტიდის მახლობლად მდებარეობს, აშშ-ს პრეზიდენტის დონალდ ტრამპის მიერ დაწესებულ ორმხრივ ტარიფებს დაექვემდებარა. კუნძულებს მოუწევთ საბაზისო განაკვეთის, 10%-ის გადახდა, იუწყება The Guardian-ი.
როგორც გამოცემა წერს, ეს კუნძულები დაუსახლებელია და იქ მხოლოდ პინგვინები და სელაპები ბინადრობენ. თეთრ სახლში აცხადებენ, რომ კუნძულები სიაში იმიტომ მოხვდა, რომ ის ავსტრალიის ტერიტორიაა.
ცნობისთვის, დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ 10%-იანი ტარიფი და ყველა იმპორტირებულ ავტომობილზე 25%-იან ტარიფი გამოაცხადა. საბაზისო 10%-იანი ტარიფები 5 აპრილს შევა ძალაში.
