ხუთმა მილიარდერმა, რომლებმაც დონალდ ტრამპს მეორე ვადით დაუჭირეს მხარი, მას შემდეგ ერთობლივად 209 მილიარდი დოლარი დაკარგეს. ამის შესახებ Bloomberg წერს.
ტრამპის ხელახლა არჩევამდე და მის ინაუგურაციამდე პერიოდი კარგი იყო მსოფლიოს უმდიდრესი ადამიანებისთვის, S&P 500 ინდექსმა რამდენიმე რეკორდული მაჩვენებელი დაამყარა. ინვესტორები აქტიურად აბანდებდნენ ფულს საფონდო და კრიპტო ბაზრებზე.
თუმცა, ბაზრის შემდგომი ზრდის მოლოდინი არ გამართლდა. S&P 500 6,4%-ით დაეცა ტრამპის მიერ თანამდებობის დაკავების შემდეგ. სახელმწიფო თანამშრომლების მასობრივმა გათავისუფლებამ და ტარიფებთან დაკავშირებით გაურკვევლობამ გამოიწვია ბაზრის კოლაფსი - მხოლოდ 10 მარტს ინდექსმა 2,7% დაკარგა.
ინაუგურაციის სტუმრების კომპანიებმა ერთობლივად დაკარგეს $1.39 ტრილიონი საბაზრო ღირებულება.
