Jaguar Land Rover-ის მფლობელმა კომპანია Tata-მ დიდ ბრიტანეთში ელექტრო მანქანების ბატარეის მწარმოებელი ქარხნის აშენების გეგმა დაადასტურა.
სომერსეტში მდებარე ახალი ქარხანა ქვეყნის მასშტაბით 4000 სამუშაო ადგილ შექმნის, ხოლო ტრანზიტის ქსელში დამატებით ათასობით ადამიანი დასაქმდება.
პირველ ეტაპზე პროექტში 4 მილიარდ ფუნტი სტერლინგის ინვესტიცია განხორციელდება, ხოლო მთავრობა ასობით მილიონი ფუნტის ღირებულების სუბსიდიებს უზრუნველყოფს.
ქარხანა მოიხსენიება, როგორც ყველაზე მნიშვნელოვანი ინვესტიცია გაერთიანებული სამეფოს ავტომობილების ინდუსტრიაში მას შემდეგ, რაც 1980-იან წლებში Nissan დაბრუნდა.
ახალი გიგა ქარხნის სიმძლავრე 40 GWh იქნება, რაც ერთ-ერთი უდიდესია ევროპაში და ბატარეებს დაამზადებს Jaguar Land Rover მანქანებისთვის, ისევე როგორც სხვა მწარმოებლებისთვის.
კომპანია Tata-სთვის ეს ქარხანა ინდოეთის გარეთ პირველი იქნება და იმედოვნებენ, რომ ის დიზელზე მომუშავე ავტომობილების მფლობელებს ელექტრომანქანებზე გადასვლაში დაეხმარება.
ინდუსტრიის ზოგიერთი ინსაიდერი იმედოვნებს, რომ Tata-ს ბატარეის ინვესტიცია გაუხსნის კარს ბატარეის შემდგომი ინვესტიციებისთვის დიდ ბრიტანეთში.
