სპარსეთის ყურის ქვეყნებმა შესაძლოა გადახედონ თავიანთ უცხოურ ინვესტიციებსა და ფინანსურ ვალდებულებებს, ირანში განვითარებული მოვლენების ფონზე ბიუჯეტებზე მზარდი ზეწოლის გამო.
„ფაინენშალ ტაიმსის“ ცნობით, წარმოებისა და მიწოდების შეფერხებების გამო ენერგეტიკული შემოსავლების შემცირება ასევე გავლენას ახდენს ბიუჯეტებზე. პრობლემებს ტურიზმის სექტორში არსებული სირთულეებიც ამძაფრებს.
რეგიონის უდიდეს ქვეყნებში, მათ შორის საუდის არაბეთში, არაბთა გაერთიანებულ საამიროებში, ქუვეითსა და კატარში, მიმდინარეობს ინვესტიციების შესაძლო გადახედვის შესახებ დისკუსიები. ამ ქვეყნების ხელისუფლება აფასებს ახლო აღმოსავლეთის კონფლიქტის გავლენას მათ ეკონომიკაზე.
ანალიტიკოსები აღნიშნავენ, რომ ინვესტიციების შეზღუდვამ შეიძლება გაზარდოს ზეწოლა შეერთებულ შტატებზე, რამაც შესაძლოა ვაშინგტონი აიძულოს კონფლიქტი დიპლომატიური გზით მოაგვაროს.
