Scandinavian Airlines–მა (SAS) განაცხადა, რომ ევროპული აერონავტიკური კორპორაცია Airbus-ისგან 40-მდე ფართოკორპუსიანი თვითმფრინავის შეძენას გეგმავს.
„ეს წარმოადგენს SAS-ის მიერ ოდესმე განხორციელებულ ყველაზე ძვირადღირებულ თვითმფრინავების შეკვეთას, რომლის საერთო სარეალიზაციო ფასი 10 მილიარდ დოლარს აღემატება“, - განაცხადა ავიაკომპანიამ.
„ეს ინვესტიცია წარმოადგენს SAS-ის ფლოტის ყველაზე მნიშვნელოვან მოდერნიზაციას ათწლეულების განმავლობაში, რაც მნიშვნელოვან გაუმჯობესებას მოუტანს საწვავის ეფექტურობას, ხმაურის დონეს და მომხმარებელთა მომსახურებას“, - განაცხადა ავიაკომპანიამ.
SAS დაარსდა 1946 წელს დანიის, ნორვეგიისა და შვედეთის ეროვნული ავიაკომპანიების შერწყმის შედეგად. ავიაკომპანია ფინანსურად გაჭირვებული იყო დაბალბიუჯეტიანი ავიაკომპანიების კონკურენციისა და COVID-19 პანდემიის დროს მოგზაურობაზე მოთხოვნის შემცირების გამო. ორი წლის წინ, SAS-მა გაკოტრების პროცესიდან გამოვიდა, რომლის შედეგადაც 2 მილიარდ დოლარზე მეტი ვალის რესტრუქტურიზაცია მოახერხა.
