ნავთობის ფასები პარასკევს იზრდება სუსტი სავაჭრო აქტივობის ფონზე, თუმცა ზედიზედ მეორე კვირას მინუსში ასრულებენ. ტრეიდერების შეშფოთება მზარდი მიწოდების შესახებ აჭარბებს შეშფოთებას მსოფლიო ბაზარზე ნავთობის მიწოდებასთან დაკავშირებული შესაძლო პრობლემების შესახებ.
ლონდონის ICE Futures ბირჟაზე Brent-ის მარკის ნავთობის თებერვლის ფიუჩერსების ფასი ბარელზე 59.96 აშშ დოლარია, რაც წინა ვაჭრობის დახურვასთან შედარებით 0.14 აშშ დოლარით (0.23%-ით) მეტია.
ნიუ-იორკის სასაქონლო ბირჟაზე (NYMEX) იანვრის WTI ნედლი ნავთობის ფიუჩერსები 0.21 აშშ დოლარით (0.37%-ით) გაიზარდა და ბარელზე 56.36 აშშ დოლარი შეადგინა. თებერვლის WTI კონტრაქტები, რომლებიც უფრო აქტიურად ივაჭრებოდა, 0.20 აშშ დოლარით (0.36%-ით) გაიზარდა და ბარელზე 56.20 აშშ დოლარი შეადგინა.
ამ კვირის დასაწყისიდან ნავთობის ფასები 2%-ზე მეტით დაეცა.
