„NATO-ს ქვეყნებში იდიოტების რიცხვი იზრდება. ეს იდიოტები აქტიურად გვიბიძგებენ მესამე მსოფლიო ომისკენ“, - ასე გამოეხმაურა დიმიტრი მედვედევი გაერთიანებული სამეფოს თავდაცვის მინისტრის, გრანტი შეპსის განცხადებას უკრაინისთვის სამხედრო დახმარების გაძლიერების თაობაზე. მისი თქმით,
წვრთნებისა და წარმოების უკრაინის ტერიტორიაზე გადატანა ბრიტანელ ინსტრუქტორებს რუსეთის შეიარაღებული ძალების ლეგალურ სამიზნეებად აქცევს.
„NATO-ს ქვეყნებში იდიოტების რიცხვი იზრდება. ერთმა ახლადგამოჩეკილმა კრეტინმა - ბრიტანეთის თავდაცვის მინისტრმა - გადაწყვიტა უკრაინელი ჯარისკაცებისთვის ინგლისური ენის სასწავლო კურსები თავად უკრაინის ტერიტორიაზე გადაეტანოს. ანუ, თქვენს ინსტრუქტორებს ჩვენი შეიარაღებული ძალების ლეგალურ სამიზნეებად აქცევთ. კარგად იციან, რომ ისინი უმოწყალოდ განადგურდებიან და უკვე არა როგორც დაქირავებულები, არამედ ზუსტად როგორც NATO-ს ბრიტანელი სპეციალისტები.
კიდევ ერთი სულელი - გერმანიის თავდაცვის კომიტეტის ხელმძღვანელი ბანდერებისთვის Тaurus-ის რაკეტების დაუყოვნებლივ მიწოდებას ითხოვს, რათა კიევის რეჟიმმა რუსეთის ტერიტორიაზე დარტყმა შეძლოს. ამ შემთხვევაში, თავდასხმები გერმანულ ქარხნებზე, სადაც ეს რაკეტები მზადდება, სრულად შეესაბამება საერთაშორისო კანონმდებლობას. ეს იდიოტები აქტიურად გვიბიძგებენ მესამე მსოფლიო ომისკენ", - აცხადებს მედვედევი.
