Microsoft Corp. გეგმავს 1,3 მილიარდი დოლარის ინვესტირებას მექსიკაში ხელოვნური ინტელექტისა და ღრუბლოვანი გამოთვლითი ინფრასტრუქტურის გაფართოებისთვის სამი წლის განმავლობაში. ამის შესახებ ამერიკული IT გიგანტის აღმასრულებელმა დირექტორმა სატია ნადელამ განაცხადა.
ინვესტიციები, კერძოდ, მიმართული იქნება მცირე და საშუალო ბიზნესში ახალი ტექნოლოგიების დანერგვაზე, ასევე მექსიკის მთავრობის ინიციატივის მხარდაჭერა ხელოვნური ინტელექტის სფეროში მოსახლეობის კვალიფიკაციის ასამაღლებლად, რომელიც მოიცავს დაახლოებით 5 მილიონ ადამიანს.
Microsoft – ი აქტიურად თანამშრომლობს მექსიკურ კომპანიებთან, მათ შორის Grupo Bimbo და Cemex-თან და საგანმანათლებლო დაწესებულებებთან, მათ შორის მონტერეის ტექნოლოგიის ინსტიტუტთან.
სამშაბათს, სამუშაო საათების შემდეგ, Microsoft-ის აქციები გაიზარდა 0.2%-ით. წლის დასაწყისიდან კომპანიის კაპიტალიზაცია 14,1%-ით გაიზარდა და 3,19 ტრილიონი დოლარი შეადგინა, ხოლო S&P 500 ინდექსი ამ პერიოდში 20%-ით გაიზარდა.
