ალექსანდრე ლუკაშენკომ ბელარუსის ტერიტორიაზე რუსეთის სამხედრო ობიექტებისა და სამხედრო ფორმირებების განლაგების ნებართვა გასცა. ინფორმაციას ადგილობრივი მედია ავრცელებს.

ნებართვის გაცემა ბელარუსისა და რუსეთის ფედერაციის შეთანხმებიდან გამომდინარეობს, რომელსაც ლუკაშენკომ ხელი მინსკში, 2024 წლის 6 დეკემბერს მოაწერა - შეთანხმება უსაფრთხოების გარანტიებს ეხება "საკავშირო სახელმწიფოს" ფარგლებში.

ცნობისთვის, 5 თებერვალს, რუსეთის პრეზიდენტმა, ვლადიმერ პუტინმა სახელმწიფო დუმას წარუდგინა კანონპროექტი რუსეთსა და ბელარუსს შორის ამ ხელშეკრულების რატიფიცირების შესახებ.