ტურისტებს, რომლებიც თანხის გადახდის დროს კრიპტოვალუტას იყენებენ, ბალის მთავრობა კუნძულიდან გააძევებს - ამის შესახებ ინფორმაციას finance.yahoo.com ავრცელებს. გასულ კვირას ტურიზმის განვითარების პრესკონფერენციაზე საუბრისას, ბალის გუბერნატორმა უაიან კოსტერმა აღნიშნა, რომ ის ვიზიტორები, რომლებიც სასტუმროებში, მაღაზიებსა თუ მომსახურების სხვა ადგილებში შეეცდებიან თანხა კრიპტოვალუტით გადაიხადონ, შესაძლოა დეპორტიდნენ, დაეკისროთ სისხლის სამართლის პასუხისმგებლობა ან მკაცრი სანქციები.
„უცხოელი ტურისტები, რომლებიც არასათანადოდ მოიქცევიან, არ დაემორჩილებიან იმ წესებს, რომლებიც მათ სავიზო ნებართვაშია, გამოიყენებენ კრიტპო ვალუტას როგორც გადახდის საშუალებას და დაარღვევენ სხვა დებულებებს მკაცრად დაისჯებიან “ - აღნიშნა ინდონეზიის კუნძულის ლიდერმა.
ინდონეზიის კანონმდებლობით, ქვეყანაში განხორციელებული ყველა ტრანზაქცია ადგილობრივ ვალუტაში, ანუ რუპიაში უნდა განხორციელდეს. ნებისმიერს ვინც სხვა ვალუტას გამოიყენებს შესაძლოა ერთ წლამდე თავისუფლების აღკვეთა და ჯარიმა 200 მილიონი რუპია, ანუ 13,300 დოლარი დაეკისროს.
ეს წესები თავდაპირველად ქვეყანაში რუპიის დასაცავად და აშშ დოლარის ფართო გამოყენების თავიდან ასარიდებლად შემოიღეს.
ინდონეზიაში კრიპტო როგორც აქტივი ნებადართულია, მაგრამ მისი გამოყენება, როგორც გადახდის ფორმა, დაუშვებელია. ასევე არსებობს შეზღუდვები იმაზე, თუ ვის შეუძლია განახორციელოს სავალუტო ბიზნეს საქმიანობა ქვეყანაში, მსურველებს კი ესაჭიროებათ ინდონეზიის ბანკის ნებართვა,
ბალი ტურიზმზე დამოკიდებული კუნძულია, რომელიც Covid-19 – is შეზღუდვებმა მწვავედ დააზარალა.
