კლიმატური კრიზისი და ბუნებრივი ეკოსისტემების განადგურება სულ უფრო მზარდ საფრთხეს უქმნის გლობალურ ეკონომიკასა და ფინანსურ სტაბილურობას, – ამის შესახებ The Guardian–ს ევროპის ცენტრალური ბანკის აღმასრულებელი საბჭოს წევრმა, ფრენკ ელდერსონმა განუცხადა.
მისი თქმით, ევროპის ცენტრალური ბანკი აძლიერებს ე.წ. ეკოსისტემური სერვისების - ბუნებრივი პროცესებისა და რესურსების განადგურებასთან დაკავშირებული ფინანსური რისკების შეფასებას, რომლებზეც ეკონომიკური აქტივობაა დამოკიდებული. ეს, კერძოდ, ეხება წყლის რესურსებს, ნიადაგის ნაყოფიერებას, დამტვერვას, ბიომრავალფეროვნებას და სხვა ბუნებრივ სისტემებს.
