ილონ მასკმა პირობა დადო, რომ მომავალ წელს აშშ-ში ყველა ბავშვს გადასცემს თავისი კოსმოსური კომპანიის SpaceX-ის წილს. ამის შესახებ მილიარდერმა სოციალურ ქსელ X-ში განაცხადა.
მასკმა აღნიშნა, რომ ეს მისი მსგავსი ინიციატივებიდან მხოლოდ პირველია - გეგმებში სხვაც არის. მეწარმეს არ განუმარტავს ფასიანი ქაღალდების გადაცემის მექანიზმი და მათზე უფლებების მოპოვების პირობები.
Business Insider-ის ექსპერტების შეფასებით, შეერთებულ შტატებში დაახლოებით 72 მილიონი ბავშვი ცხოვრობს და თუ მასკი დაპირებას შეასრულებს, დისტრიბუცია მას დაახლოებით 10,5 მილიარდი დოლარი დაუჯდება აქციების ამჟამინდელი ფასით.
