იაპონიამ განაცხადა, რომ ქვეყნის სანაპირო ზოლის სიახლოვეს რუსეთის ბირთვული ბომბდამშენები დაფრინავდნენ. რუსულ სამხედრო თვითმფრინავებზე დაკვირვებისთვის მათ ავიაგამანადგურებლები ააფრინეს.
"რეალობა ის არის, რომ უკრაინაში სრულმასშტაბიანი ომის პარალელურად რუსეთი ჩვენი ქვეყნის სიახლოვეს ყოველდღიურ სამხედრო ოპერაციებს ატარებს"- წერს იაპონიის თავდაცვის მინისტრი შინჯირო კოიძუმი პლატფორმა X-ზე.
სამთავრობო მედიის RIA news-ის მიერ გავრცელებულ განცხადებაში, რუსეთის თავდაცვის მინისტრი ამბობს, რომ ნეიტრალურ წყლებზე საპატრულო ფრენის ფარგლებში მათი Ту-95-ის ტიპის ბომბდამშენებს სხვა ქვეყნის ავიაგამანადგურებლები ესკორტირებდნენ.
შემთხვევამდე რამდენი საათით ადრე იაპონიის პირველმა ქალმა პრემიერმინისტრმა, სანაი ტაკაიჩიმ, პირველ საპარლამენტო მიმართვაში განაცხადა, რომ რუსეთის, ჩინეთისა და ჩრდილოეთ კორეის აქტივობა "სერიოზული" საკითხია.
