2027 წლის „ევროპის წლის ავტომობილის“ (Car of the Year) კონკურსის ფინალისტები ცნობილია. პრესტიჟული ჯილდოსთვის შვიდი მოდელი იბრძოლებს და კონკურსის 63-წლიან ისტორიაში პირველად, ფინალისტების სია მთლიანად ელექტრომობილებისგან შედგება.
მოდელები 38 კანდიდატს შორის შეარჩიეს. გადაწყვეტილება 25 ქვეყნის 65-წევრიანმა საერთაშორისო ჟიურიმ მიიღო.
მოდელები, რომლებიც ფინალში მოხვდნენ:
1. BMW iX3
2. Cupra Raval
3. Hyundai Ioniq 3
4. Kia EV2
5. Renault Twingo
6. Volkswagen ID. Polo
7. Volvo EX60
როგორ გამოვლინდება გამარჯვებული?
ფინალისტები 25-26 ნოემბერს იტალიაში, ბალოკოს ავტოდრომზე, დამატებით ტესტირებას გაივლიან. ჟიურის წევრები შეაფასებენ ავტომობილების ტექნოლოგიურ შესაძლებლობებს, საინჟინრო გადაწყვეტებს, წარმადობას, აღჭურვილობასა და ფასისა და ხარისხის თანაფარდობას.
