ევროსტატის უახლესი მონაცემებით, ევროკავშირში ელექტროენერგიის თითქმის ნახევარი განახლებადი წყაროებიდან მოდის. ახლა მოხმარებული ელექტროენერგიის 47.5% ეკოლოგიურად სუფთა წარმოშობისაა, რაც 2004 წელთან შედარებით 3-ჯერ მეტია, – ამის შესახებ „ევროპულსი“ წერს.
ალტერნატიული ენერგიის საფუძველია ქარის და ჰიდროელექტროსადგურები. ერთად, ისინი მომხმარებლებს განახლებადი წყაროებიდან მიღებული ელექტროენერგიის თითქმის ორ მესამედს აწვდიან.
ქარის ენერგია დაახლოებით 38%-ს შეადგენს, მდინარეების კი - დაახლოებით 26%-ს. კიდევ 23% მზის პანელებზე მოდის, რომლებმაც 2008 წელს მწვანე ელექტროენერგიის მხოლოდ 1% გამოიმუშავეს.
