აშშ-ში დაფუძნებულმა Walt Disney Co.-მ, მსოფლიოს უდიდესმა გასართობმა და მედია კომპანიამ, დააფიქსირა წმინდა მოგება და შემოსავალი მეორე ფინანსურ კვარტალში, მაგრამ მოულოდნელად Disney+ სტრიმინგის სერვისმა 4 მილიონი მომხმარებელთა დაკარგა.
Disney-ის პრესრელიზის თანახმად, 1 აპრილს დასრულებული კვარტალის წმინდა შემოსავალმა შეადგინა $1,27 მილიარდი, ანუ $0,69 თითო აქციაზე. დისნეის კვარტალური შემოსავალი 13%-ით გაიზარდა და 21,82 მილიარდი დოლარი შეადგინა.
Disney+-ის აბონენტები კვარტალში 157,8 მილიონამდე შემცირდა სამი თვის წინანდელი 161,8 მილიონიდან. ექსპერტები აბონენტთა რაოდენობის 163,5 მილიონამდე ზრდას ელოდნენ.
აბონენტთა რაოდენობის შემცირება ძირითადად Disney+Hotstar India-ზე ორიენტირებული სეგმენტით იყო განპირობებული. კომპანიის საშუალო თვიური შემოსავალი თითო მომხმარებელზე ამ სეგმენტში იყო მხოლოდ 59 ცენტი. ამავდროულად, მთლიანობაში Disney+-ისთვის ეს მაჩვენებელი 3,93 დოლარიდან 4,44 დოლარამდე გაიზარდა რეკლამის გარეშე ხელმოწერის ფასების ზრდის გამო.
ოთხშაბათს დამატებით ვაჭრობაში დისნეის აქციები 4.8%-ით დაეცა. მიმდინარე წლის დასაწყისიდან კომპანიის კაპიტალიზაცია 16,4%-ით გაიზარდა და 186,7 მილიარდი დოლარი შეადგინა.
