ასტანას საერთაშორისო ფინანსური ცენტრის (AIFC) იურისდიქციაში მყოფმა ყაზახეთში ახალმა საერთაშორისო სავაჭრო პლატფორმა ITS-მა ფასიანი ქაღალდებით ვაჭრობა დაიწყო. ამის შესახებ რუსული მედია წერს. გავრცელებულ ინფორმაციაში ნათქვამია, რომ ITS რუს ბროკერებთან და ფასიან ქაღალდებთან არ იმუშავებს.
„ITS არ მოემსახურება რუს ბროკერებს, რომლებიც საცალო ინვესტორებს ემსახურებიან და არც რუსულ ფასიან ქაღალდებს. ეს არ არის ჩვენს ბიზნეს მოდელში“, აცხადებს ITS-ის გამგეობის თავმჯდომარემ ჩინგიზ კანაპიანოვმა.
პირველ ეტაპზე ინვესტორებს 1500-ზე მეტი აქციით და სადეპოზიტო ქვითრით შეუძლიათ ვაჭრობა. ამ სიაში შედის ისეთი ემიტენტების ფასიანი ქაღალდები, როგორიცაა Baidu, Intel, JD.com, Microsoft, NVIDIA, AstraZeneca, Rio Tinto, Shell და სხვა.
ITS-ის პირდაპირი კლიენტები იქნებიან ფასიანი ქაღალდების ბაზარზე უმსხვილესი ყაზახი პროფესიონალი მონაწილეები - ფინანსური შუამავლები, როგორც აკრედიტებული, ისე უშუალოდ რეგისტრირებული AIFC-ში. ინვესტორებს - ფიზიკურ და იურიდიულ პირებს - ექნებათ წვდომა ვაჭრობაზე ყაზახური ბროკერებისა და ბანკების მეშვეობით.
