2025 წლის პირველი იანვრიდან რუმინეთი 30-მდე სასაზღვრო-გამშვებ პუნქტს დახურავს. ამის შესახებ ქვეყნის შინაგან საქმეთა სამინისტროშო განაცხადეს.
სამინისტროს ინფორმაციით, ქვეყანა 30 სახმელეთო გამშვებ პუნქტს დახურავს უნგრეთისა და ბულგარეთის საზღვრებზე, რადგან შენგენის ზონის სრულუფლებიანი წევრი გახდა, თუმცა, საჭიროების შემთხვევაში, საზღვრებზე შეიძლება, კვლავ შემოწმდეს დოკუმენტები.
გასულ თვეში ბუდაპეშტში გამართულ შეხვედრაზე დაიდო შეთანხმება, რომელშიც აღნიშნულია, რომ უნგრეთსა და რუმინეთს შორის სახმელეთო საზღვრებზე აღარ იქნება შემოწმება, სულ მცირე, ექვსი თვის განმავლობაში.
შეგახსენებთ, რუმინეთი შენგენის ზონის წევრი გახდა. ახალი წესები ძალაში 2025 წლის პირველი იანვრიდან შევა.
