2024 წელს OPEC+-ის ფორმატში გაფორმებული შეთანხმებების მიხედვით რუსული ნავთობის მოპოვების კვოტა დღეში 650 000 ბარელით შემცირდება. ეს გამომდინარეობს 4 ივნისს ვენაში OPEC + ქვეყნების წარმომადგენლების შეხვედრაზე მიღებული გადაწყვეტილებიდან.
ამავდროულად, რუსეთის ვიცე-პრემიერ ალექსანდრე ნოვაკის განცხადებით, რუსეთი უარს არ ამბობს ნებაყოფლობით ვალდებულებაზე, აწარმოოს დღიურ კვოტაზე 500 000 ბარელით ნაკლები ნავთობი.
2023 წლისთვის რუსეთის კვოტა არის 10 478 000 ბარელი დღეში, 2024 წელს ის შემცირდება 9 828 000-მდე (და, ნებაყოფლობითი შემცირების გათვალისწინებით, 9 328 000).
