ახლად შექმნილი სოციალურ პლატფორმა Threads-ი დარეგისტრირებულ მომხმარებელთა ნახევარზე მეტმა დატოვა. ინფორმაციას Reuters-ი ავრცელებს.
გამოცემის ცნობით, Twitter-ის ანალოგი, Meta-ს მიკრობლოგების პლატფორმა 6 ივლისს გაეშვა. სოციალურ ქსელში პირველი 7 საათის განმავლობაში 10 მილიონი მომხმარებელი დარეგისტრირდა, მოგვიანებით კი გავრცელდა ცნობები 100 მილიონი მომხმარებლის შესახებ.
მომხმარებელთა სწრაფი რეგისტრაციის მიუხედავად, Meta-გენერალურმა დირექტორმა, მარკ ცუკერბერგმა განაცხადა, რომ პლატფორმას მომხმარებელთა შენარჩუნება უჭირს.
„ცხადია, თუ თქვენთან 100 მილიონზე მეტი მომხმარებელი დარეგისტრირდა, იდეალური იქნებოდა მათი ნახევარი მაინც რომ დარჩეს თქვენთან. ჩვენ ამას ჯერ ვერ მივაღწიეთ“, - განაცხადა ცუკერბერგმა.
გარდა ამისა, ცუკერბერგი აღნიშნავს, რომ Threads -ის მაჩვენებლები მოსალოდნელზე უკეთესია და მიაჩნია, რომ მომხმარებელთა შენარჩუნების მაჩვენებელი გაიზრდება.
