გაერთიანებული სამეფო აქტიურად ემზადება თანამედროვე საფრთხეების წინააღმდეგ ბრძოლისთვის, განსაკუთრებით კი დრონების მზარდი საფრთხის გათვალისწინებით. ბრიტანეთის თავდაცვის სამინისტროს მიერ წარმოდგენილი ახალი მიკროტალღური იარაღი სახელწოდებით RapidDestroyer-ი ამის თვალსაჩინო მაგალითს წარმოადგენს.
RapidDestroyer-ი არის მაღალი ინტენსივობის მიკროტალღური იარაღი, რომელიც შექმნილია დრონების გასანეიტრალებლად მათი ელექტრონული სისტემების გამოთიშვის გზით. ეს ტექნოლოგია, რომელსაც ასევე უწოდებენ მიმართული ენერგიის იარაღს (Directed Energy Weapon - DEW), იყენებს ელექტრომაგნიტურ ტალღებს დრონების შიდა კომპიუტერების და ნავიგაციის სისტემების დასაზიანებლად.
იარაღი გამოსცემს მაღალი სიმძლავრის მიკროტალღებს, რომლებიც აღწევენ დრონის კორპუსში და იწვევენ მის შიდა კომპონენტების გადახურებას. ეს პროცესი ანადგურებს მიკროჩიპებს და ელექტრონულ დეტალებს, რის შედეგადაც დრონი კარგავს კონტროლს და ვარდება. განსხვავებით სხვა სამხედრო სისტემებისგან, RapidDestroyer-ს შეუძლია ერთდროულად რამდენიმე საჰაერო მიზნის გაუვნებელყოფა.
მიუხედავად RapidDestroyer-ის უპირატესობებისა, არსებობს მნიშვნელოვანი შეზღუდვებიც. სისტემა მოითხოვს ძლიერ ენერგიის წყაროს, რაც ართულებს მის მობილურობას. ასევე, მიკროტალღური სხივების გამოყენება შეზღუდულია ცუდი ამინდის პირობებში, მაგალითად ძლიერი წვიმის ან ნისლის დროს.
წყარო: bm.ge
