დიდი ბრიტანეთის საელჩო საქართველოში სავიზო ცენტრის დახურვის მიზეზს განმარტავს და აცხადებს, რომ ცენტრი მაშინ გაიხსნება, როცა ვიზიტორთა მიღება იქნება შესაძლებელი.
„ყურადღება, მნიშვნელოვანი განმარტება სავიზო სააპლიკაციო ცენტრის დროებით დაკეტვასთან დაკავშირებით.
გაერთიანებული სამეფოს სავიზო სააპლიკაციო ცენტრი, რომელიც თბილისში, პარლამენტთან ახლოს მდებარეობს, დღეს დაიკეტა, დილით მიმდინარე აქციისა და პოლიციის კორდონის გამო.
ყველას, ვისაც განაცხადი აქვს შეტანილი და ელოდება პასუხს, დაუკავშირდებიან სავიზო ცენტრიდან.
სავიზო ცენტრი გაიხსნება, როდესაც შესაძლებელი იქნება ვიზიტორთა მიღება“, - წერია განცხადებაში.
