უკრაინის დაზვერვის მთავარი სამმართველოს (ГУР) მიერ გადაჭერილი აუდიოჩანაწერიდან, რომელიც 20 ივნისს გამოქვეყნდა, ირკვევა, რომ უკრაინაში გაგზავნილი რუსი სამხედრო, სავარაუდოდ, კანიბალიზმის აქტით იყო დაკავებული.
ГУР-ის მიერ Telegram-ზე გამოქვეყნებულ აუდიოჩანაწერში ისმის რუსი მეთაურის ხმა, რომელიც ქვეშევრდომს ეუბნება, რომ ერთ-ერთმა სამხედრომ, მეტსახელად "ბრელოკმა," ორ-კვირიანი პერიოდის განმავლობაში თანამებრძოლი, სახელად "ფომა," მოკლა და შეჭამა.
უკრაინის სამხედრო დაზვერვის თქმით, აღნიშნული ინციდენტი რუსეთის არმიაში "მორალური და ფსიქოლოგიური კოლაფსის" კიდევ ერთი მტკიცებულებაა.
"არავინ გაქცეულა. "ბრელოკმა" მოკლა და მერე ორი კვირის განმავლობაში ჭამდა," ამბობს აუდიოჩანაწერში პირი, რომელიც ГУР-ის მიხედვით, რუსეთის 68-ე მოტომსროლელი დივიზიის სადაზვერვო დანაყოფის მეთაურია.
ГУР-ის ინფორმაციით, ორივე სამხედრო 52-ე სადაზვერვო ბატალიონში მსახურობდა, რომელიც გავრცელებული ცნობებით, ხარკოვის ოლქის კუპიანსკის მიმართულებით მდებარე სოფლების სიახლოვეს მოქმედებს. გადაჭერილი ჩანაწერის მიხედვით, "ბრელოკი" მოგვიანებით დაღუპული იპოვეს.
