ფონიჭალაში, არასრულწლოვანი გოგოს გატაცების ბრალდებით სამართალდამცავებმა 15 ივლისს ოთხი პირი დააკავეს.

როგორც რადიო თავისუფლებას ეუბნებიან შინაგან საქმეთა სამინისტროში, გამოძიება დაწყებულია სისხლის სამართლის კოდექსის 143-ე მუხლით, რაც ჯგუფურად, წინასწარი შეთანხმებით, არასრულწლოვნის თავისუფლების უკანონოდ აღკვეთას გულისხმობს და სასჯელის ზომად ითვალისწინებს 7-დან 10 წლამდე თავისუფლების აღკვეთას.

არსებული ინფორმაციით, არასრულწლოვანი გოგო ბიძაშვილმა, ცოლის შერთვის მიზნით მოიტაცა.