აღდგომის დღესასწაულთან დაკავშირებით თბილისის მეტრო 12 აპრილის დილის 04:00 საათამდე იმუშავებს.
დედაქალაქის მერიის ინფორმაციით, 11 აპრილის 23:00 საათიდან 12 აპრილის 04:00 საათამდე მეტროთი მგზავრობა უფასო იქნება.
12-13 აპრილს დამატებით დაინიშნა 9 დროებითი ავტობუსის მარშრუტი მეტროსადგურებიდან სასაფლაოების მიმართულებით — მგზავრობა უფასოა.
მარშრუტები მოემსახურება მუხათგვერდის, ვაშლიჯვრის, კუკიის, ახალი კუკიის, მახათას, საბურთალოს, ღრმაღელის, ველისა და ვარკეთილის სასაფლაოებს.
რეგიონები:
ქუთაისი — აღდგომის დღეებში ინიშნება უფასო მუნიციპალური ავტობუსები ქალაქიდან სასაფლაოების მიმართულებით.
ბათუმი — მუნიციპალური ტრანსპორტი სასაფლაოების მიმართულებით მუშაობს გახანგრძლივებულ რეჟიმში, ნაწილ მარშრუტებზე მგზავრობა უფასოა.
რუსთავი — დამატებითი ავტობუსები ემსახურება სასაფლაოების მიმართულებას, ტრადიციულად უფასოდ.
ზუგდიდი და გორი — ადგილობრივი მერიის ორგანიზებით ინიშნება უფასო ან სპეციალური მარშრუტები სასაფლაოების მიმართულებით.
დეტალური განრიგები და კონკრეტული მარშრუტები თითოეულ მუნიციპალიტეტში ინდივიდუალურად ცხადდება მერიის გვერდებზე
