სომხეთის პრემიერ-მინისტრმა ნიკოლ ფაშინიანმა დღეს ევროპარლამენტში სიტყვით გამოსვლისას განაცხადა, რომ სომხეთის უდიდესი დაბრკოლება ევროინტეგრაციის გზაზე არის ევროკავშირი-საქართველოს ურთიერთობების „გაყინვა“.
ფაშინიანი საუბრობდა სომხეთის სურვილზე, გახდეს ევროკავშირის წევრი სახელმწიფო და შესაბამისი სტანდარტები და კანონმდებლობა დანერგოს; მან თქვა, რომ უპირველესი მიზანია ევროკავშირის წევრობის კრიტერიუმების ობიექტურად დაკმაყოფილება.
„როდესაც ეს მოხდება, არსებობს ორი გზა - ან ევროკავშირი მიგვიღებს სრულუფლებიან წევრად, ან არა. ამას იმიტომ ვამბობ, რომ მესმის, რომ ევროკავშირის გაფართოება, ახალი წევრის მიღება მარტივი საქმე არ არის. ეს ასევე პოლიტიკური გადაწყვეტილებების საკითხია“, - თქვა მან.
„თუ ევროკავშირი სომხეთს სრულუფლებიან წევრად მიიღებს, ეს შესანიშნავი იქნება. თუ არა, ჩვენ მაინც ვიმსახურებთ, რადგან ჩვენ ვიქნებით ქვეყანა, რომელიც სრულად დააკმაყოფილებს ევროკავშირის სტანდარტებს“, - განაცხადა ფაშინიანმა.
ვრცლად: /www.radiotavisupleba.ge
