რუსეთის საგარეო საქმეთა სამინისტრო ჟენევის საერთაშორისო დისკუსიებთან დაკავშირებით განცხადებას ავრცელებს. განცხადების თანახმად, რუსეთის მხრიდან შეხვედრაზე ითქვა, რომ უნდა შეწყდეს რეგულარული რაუნდების გადადებისა და გაუქმების პრაქტიკა და პროცესი ჟენევის დისკუსიების უწყვეტ ფუნქციონირებაზე უნდა გადავიდეს.
განცხადების თანახმად, აქტუალური საკითხების განხილვისას რუსეთის დელეგაციამ აქცენტი გააკეთა ძალის გამოუყენებლობის შესახებ იურიდიულად სავალდებულო შეთანხმების დადებისთვის არსებითი სამუშაოების დაწყების პრიორიტეტზე.
„ასეთი დოკუმენტის აქტუალობა განსაკუთრებით იზრდება ამიერკავკასიაში აშშ-ისა და ნატო-ს სამხედრო წვრთნების აქტივობისა და ჩრდილოატლანტიკური ხელშეკრულების ორგანიზაციაში საქართველოს გაწევრიანების გეგმების ძალაში დატოვების ფონზე“, – აღნიშნულია განცხადებაში.
განცხადების თანახმად, დისკუსიის მონაწილეებმა თქვეს, რომ მდგომარეობა მთლიანად ადმინისტრაციულ გამყოფ ზონაში სტაბილურია, სიტუაციის კონტროლის ქვეშ შენარჩუნება შესაძლებელია მხარეების მხრიდან თავშეკავების გამოვლენის წყალობით, ასევე სააბონენტო პუნქტებისა და ერგნეთში ინციდენტების პრევენციისა და მათზე რეაგირების მექანიზმის (IPRM) მდგრადი ფუნქციონირებით.
