ბრიტანეთის თემთა პალატაში ბიძინა ივანიშვილისა და ირაკლი რუხაძის დასანქცირება მოითხოვეს. ასევე გაჟღერდა "ქართული ოცნების" სხვა ლიდერების სახელები გვარებიც. ინგლისელი პოლიტიკოსები მიიჩნევენ, რომ ივანიშვილმა და მისმა გუნდმა პასუხი უნდა აგონ საქართველოში გაცოცხლებული საბჭოთა რეპრესიების გამო.
სანქციების დაწესების შესახებ თემთა პალატაში კითხვა კალუმ მილერმა დაუსვა სახელმწიფო მინისტრს. კითხვა შეეხებოდა, რამდენად განიხილება ოცნებისთის სასწრაფო წესით სანქციების დაწესება.
"ჩვენ სანქციები დავუწესეთ რამდენიმე პირს, რომლებიც პასუხისმგებლები არიან ბოლო თვეების განმავლობაში მომხდარ რეპრესიულ ქმედებებზე, ასევე, კორუფციის გამო და ჩვენ ყურადღებით ვაკვირდებით ვითარებას. მე ღრმად ვარ შეშფოთებული საქართველოში არსებული ვითარებით, ეს ნათლად განვუცხადე ქართული ოცნების წარმომადგენლებს.
ჩვენ შევაჩერეთ უფრო ფართო თანამშრომლობა საქართველოსთან, ეს ძალიან დასანანია, რადგან ჩვენ საქართველოსთან პოზიტიური და მნიშვნელოვანი ურთიერთობები გვქონდა, მაგრამ მანამდე, სანამ ის ევროატლანტიკურ გზას შორდება, ამას უნდა მოჰყვეს შედეგები ისევე, როგორც შედეგები უნდა მოჰყვეს ქვეყნის შიგნით და სხვაგვარად განხორციელებულ მოვლენებს", - თქვა ბრიტანეთის სახელმწიფო მინისტრმა, სტივენ დაუთმა.
