“ამბასადორი აილენდ ბათუმის” $100 მილიონიან პროექტში, რაც 84 ჰა-ზე 2 ნახევარ კუნძულისა და ერთი კუნძულის ინფრასტრუქტურულ განვითარებას მოიცავს, 40 მლნ დოლარის უცხოური ინვესტიცია უკვე განხორციელებულია. ამასთან, პროექტში დღეისთვის 2 დამოუკიდებელი ინვესტორი მონაწილეობს. ამის შესახებ პროექტის მმართველი კომპანიის გენერალურმა დირექტორმა გოჩა კამკიამ BMG tv-ის გადაცემა “ბიზნესის კვირეულში” ისაუბრა.
ის აღნიშნავს, რომ "ამბასადორი ჯგუფი" საქართველოში ერთ-ერთი უმსხვილესი კორპორაციაა, რომელსაც მასშტაბური პროექტების განხორციელება, მათ შორის მოზიდული ინვესტორებთან პარტნიორობით შეუძლია.
"ამიტომ მოცემულ პროექტთან მიმართებით, ჯგუფი ინვესტირების საკითხს ისტორიულ ჭრილში ისე განიხილავს, რომ პირველ რიგში ჩვენ შესაძლებლობები უნდა შევქმნათ, გარემო, სადაც წარმატებულ ან წარმატებისკენ მიმავალ ადამიანებს გავაერთიანეთ და ამ კუნძულზე თითოეული წარმატების საკუთარ ისტორიას იპოვის.
რაც შეეხება ცალკეულ ინვესტორებს, ამ შემთხვევაში საკუთარ თავზე ავიღეთ პასუხისმგებლობა და პირველი მულტიფუნქციური შენობის განვითარება თვითონ დავიწყეთ. ეს საპროექტო დოკუმენტაცია დასრულებულია და სამშენებლო სამუშაოებისთვის მოსამზადებელი ეტაპი უკვე დაწყებულია.
თუმცა აქვე უნდა აღინიშნოს, რომ ორი მსხვილ მიწის ნაკვეთზე ინდივიდუალური ინვესტორი უკვე გვყავს. კერძოდ, ეს მიწის ნაკვეთები არის განკარგული და უახლოეს პერიოდში საკადასტრო ერთეულებზე მსხვილი შენობა-ნაგებობის, გამორჩეული კონცეფციით განვითარებას დაიწყებენ.
აგრეთვე, უნდა აღინიშნოს ისიც, რომ ამ პერიოდის განმავლობაში მოვახერხეთ ის, რომ მიგვექცია პროექტისთვის საერთაშორისო ყურადღება. დღეს, "ამბასადორი აილენდში" განხორციელებულია 40 მლნ დოლარის პირდაპირი უცხოური ინვესტიცია, რაც ვფიქრობ პროექტის საწყის ეტაპზე ფენომენალური შედეგია. “ამბასადორი ჯგუფი” სანდოობას იწვევს, რომელსაც საქართველოში უმსხვილესი გამორჩეული პროექტები აქვს დასრულებული”, - აცხადებს გოჩა კამკია.
“ბიზნესის კვირეულის” ავტორისა და წამყვანმა “ამბასადორი აილენდ ბათუმის” გენერალურ დირექტორს ჰკითხა - რას ნიშნავს პროექტის შემსრულებელთან ერთად ინვესტირება მასშტაბურ პროექტში?
“თუ ჩვენ შესაძლებლობებზე ვსაუბრობთ, ეს შემდეგში ინდივიდუალური ინსპირაციის საგანი იყო. აქედან გამომდინარე, იმასთან ერთად, რომ ინვესტორებს წარმატებული პროექტის განვითარებასთან ერთად შესაძლებლობა ეძლევათ, ასევე არსებობს საერთო წესები, რომელიც ყველამ უნდა გავითვალისწინოთ ერთიანი, ჰარმონიული პროექტის შესაქმნელად. იმისთვის რომ ბათუმის კუნძული ისტორიულ ჭრილში გამორჩეული იყოს, ასევე არქიტექტურული თვალსაზრისით, მან ასწლეულების განმავლობაში უნდა იცოცხლოს, ჩვენ, ბრიტანულ კომპანია “არუპთან” ხელშეკრულება გავაფორმეთ, რომლის თანახმადაც კუნძულის არქიტექტურა არქიტექტურულ დნმ-ში იქნება გადაწყვეტილი. ამგვარად, როგორც თავად, "ამბასადორი ჯგუფმაც" საკუთარ თავს წესები და გაიდლაინები დაუწესა, თუ როგორ უნდა იმოქმედოს განვითარების თვალსაზრისით, ასევე თითოეულ ინვესტორს ექნება გენგეგმის და მისი ავტორი კომპანიისგან გაწერილი სტანდარტები, რომლებიც იქ განვითარებული პროექტების უმაღლეს ხარისხს, რათა შემდეგში აბსოლუტურად საზოგადოებაზე ორიენტირებული გარემო მივიღოთ. რადგან ერთი მხრივ პროექტი გამორჩეულია ეკონომიკური თვალსაზრისით, მაგრამ მსხვილი ეკონომიკური შესაძლებლობები საზოგადოების მხრიდან დიდ პასუხისმგებლობებს იწვევს. და რადგან ეს საზოგადეობაზე ორიენტირებული გარემო უნდა იყოს, ჩვენ თავშივე ამ წესებით მოქმედება გადავწყვიტეთ”, - განმარტა გოჩა კამკიამ.
ბათუმში 2 ნახევარკუნძულისა და ერთი კუნძულის მასშტაბური პროექტი 2021 წელს დაანონსდა, მისი მშენებლობა კი ოფიციალურად 2022 წელს დაიწყო. პროექტის მთავარი ინვესტორი და განმახორციელებელი “ამბასადორი ჯგუფი” გახდა, რომელთანაც სახელმწიფომ საინვესტიციო ხელშეკრულება გააფორმა. შეთანხმების მიხედვით, ქალაქ ბათუმში, 84 ჰა ტერიტორიაზე 2 ნახევარკუნძულის და კუნძულის განვითარება უნდა მოხდეს, რაზედაც შემდგომში ინფრასტრუქტურა განვითარდება. „ამბასადორი აილენდის ბათუმის“ პროექტის ფარგლებში ტერიტორიაზე იგეგმება პლაჟების, აქტიური და პასიური დასვენების კუთხეების, სასეირნო პრომენადები და ზღვისპირა ბულვარის მოწყობა, ამასთან, აკვაპარკების, იახტკლუბის, საგანმანათლებლო დაწესებულებების, სავაჭრო ცენტრების, სასტუმროებისა და საცხოვრებელი დანიშნულების ნაგებობები მშენებლობა. აქვე უნდა აღინიშნოს, რომ წარმოდგენილ კონცეფციას სხვა მნიშვნელოვანი დატვირთვაც აქვს, მათ შორის მსხვილმასშტაბიანი ინვესტიციების მოზიდვაა.
