საქართველოს სავალუტო რეზერვების მოცულობა 5.005 მილიარდ დოლარამდე შემცირდა.

ეროვნული ბანკის მონაცემებით, მაისში სავალუტო რეზერვების ზომა 130 მილიონი დოლარით შემცირდა. პირველი ივნისისთვის სავალუტო რეზერვების ზომა წლიურად 29%-ით არის გაზრდილი.

ეროვნული ბანკი რეზერვების შევსების ახორციელებს და ამისთვის Bmatch-ის პლატფორმას იყენებს. 2023 წლის პირველ ოთხ თვეში სებ-მა $540 მილიონი შეისყიდა, მარტში ინტერვენციები რეკორდული იყო და $220 მილიონს შეადგენდა. მაისში კი ტრანზაქციებმა მკვეთრად იკლო.

ეროვნული ბანკის ინფორმაციით, უცხოურ ვალუტაში კონვერტირებული საერთაშორისო რეზერვები ეროვნული ბანკის ძირითად რეზერვს წარმოადგენს. სავალუტო რეზერვების მოცულობა მნიშვნელოვანი ეკონომიკური ინდიკატორია, რადგანაც მას ეკონომიკური კრიზისების პირობებში სახელმწიფო ვალუტის მასტაბილურებლის როლის შესრულება შეუძლია.