სადაზღვევო კომპანიების ფინანსური შედეგების თანახმად, დაზღვეულ საჰაერო სატრანსპორტო საშუალებათა რაოდენობამ (კორპუსის დაზღვევა) 97 ერთეული შეადგინა, რაც 35-ით მეტია წინა წლის მაჩვენებელთან შედარებით.
კომპანიებმა 2022 წლის განმავლობაში ამ მიმართულებით სულ 7 589 565 ლარის პრემიები მოიზიდეს, რაც 2021 წლის შედეგზე დაახლოებით 1.2-ჯერ (2021 წელს 9 046 107 ლარი იყო) ნაკლებია.
საჰაერო სატრანსპორტო საშუალებათა დაზღვევის (კორპუსის დაზღვევა) რაოდენობის და მოზიდული პრემიის მიხედვით სადაზღვევო კომპანიების რეიტინგი შემდეგნაირად გამოიყურება:
სს ბბ დაზღვევა — 66; მოზიდული პრემია 6 მლნ ლარი;
სს სადაზღვევო კომპანია ალდაგი - 12; მოზიდული პრემია მინუს 2.5 მლნ ლარი;
სს სადაზღვევო კომპანია უნისონი- 9; მოზიდული პრემია 2.9 მლნ ლარი;
სს სადაზღვევო კომპანია ალფა - 2; მოზიდული პრემია 37 750 ლარი;
სს სადაზღვევო კომპანია პრაიმი — 3; მოზიდული პრემია 233 312 ლარი;
სს დაზღვევის კომპანია ქართუ - 2; მოზიდული პრემია 641 806 ლარი;
სს სადაზღვევო კომპანია არდი — 1; მოზიდული პრემია 98 504 ლარი.
სს სადაზღვევო კომპანია ევროინს ჯორჯია - 1; მოზიდული პრემია 102 816 ლარი;
სს რისკების მართვისა და სადაზღვევო კომპანია გლობალ ბენეფიტს ჯორჯია — 1, მოზიდული პრემია 59 674 ლარი.
2022 წლის განმავლობაში მხოლოდ ორმა სადაზღვევო კომპანიამ აანაზღაურა საჰაერო სატრანსპორტო საშუალებათა (კორპუსის დაზღვევა) ზარალი, რამაც 4 855 968 ლარი შეადგინა. ანალოგიურ პერიოდში, საჰაერო სატრანსპორტო საშუალებათა დაზღვევის ბაზარზე „ქართუ დაზღვევას“ 4 631 374 ლარის, ხოლო „არდი დაზღვევას“ 224 594 ლარის ზარალი აქვს ანაზღაურებული.
