მსოფლიოს უდიდესი კრიპტოვალუტის, ბიტკოინის, ფასი პარასკევს მცირედით დაეცა. ბაზარზე ზეწოლა გამოიწვია აშშ-სა და ირანს შორის სამხედრო დაძაბულობის ზრდამ, ასევე აშშ-ის ახალი სავაჭრო ტარიფების ირგვლივ არსებულმა გაურკვევლობამ, რამაც ინვესტორების რისკიანი აქტივების მიმართ ინტერესი შეამცირა.
კლების ტენდენცია დაფიქსირდა კრიპტოვალუტების ფართო ბაზარზეც, რომელმაც კვირის დასაწყისში მიღებული მოგების ნაწილი დაკარგა.
თბილისის დროით 10:36 საათისთვის ბიტკოინი 0.5%-ით იყო გაუფასურებული და 65 463.4 დოლარად ივაჭრებოდა. მიუხედავად დღევანდელი შემცირებისა, კვირის ჭრილში კრიპტოვალუტა დაახლოებით 1%-იან ზრდას ინარჩუნებდა, რაც მოკლევადიანი აღდგენის შედეგი იყო.
კრიპტობაზარზე გავლენა იქონია საფონდო ბირჟებზეც განვითარებულმა ნეგატიურმა დინამიკამ. კერძოდ, ტექნოლოგიური და ხელოვნური ინტელექტის სექტორის კომპანიების აქციების მასობრივმა გაყიდვებმა ინვესტორების მხრიდან კრიპტოვალუტების მიმართ მოთხოვნაც შეასუსტა.
