აზიის განვითარების ბანკი აზიისა და წყნარი ოკეანის რეგიონის ეკონომიკური ზრდას 2023 წელს 4.8%-ზე პროგნოზირებს. რაც შეეხება მომავალი წლის ზრდის პროგნოზს, ADB-მ ის 4.8%-დან 4.7%-მდე შეამცირა.
ბანკმა ასევე დააკორექტირა სამხრეთ კავკასიისა და ცენტრალური აზიის რეგიონის ეკონომიკური ზრდის პროგნოზი 4.4%-დან 4.3%-მდე, ხოლო 2024 წელს 4.6%-დან 4.4%-მდე შეცვალა.
ანგარიშში ADB წერს, რომ რეგიონისთვის ეკონომიკური ზრდის შემცირება უმთავრესად აზერბაიჯანსა და თურქმენეთს უკავშირდება, სადაც ზრდის მოლოდინი შემცირდა.
„მიუხედავად დადებითი პერსპექტივისა, განვითარებადი აზიის ქვეყნები გამოწვევების წინაშე დგანან თავიანთი საექსპორტო ამბიციების მისაღწევად. მკაცრმა მონეტარულმა პოლიტიკამ უფრო დიდ განვითარებად ეკონომიკებში შეუქმნა დაბრკოლებები ამ ქვეყნებს. ასეთი პოლიტიკით დაწესებული შეზღუდვები აფერხებს ვაჭრობასა და საექსპორტო საქმიანობას, რაც გავლენას ახდენს რეგიონის განვითარებადი ქვეყნების ეკონომიკური ზრდის პოტენციალზე“, - ნათქვამია ანგარიშში.
