აზიის განვითარების ბანკის მიერ (ADB) საქართველოსთვის გამოყოფილი ჯამური დახმარება 5 მილიარდ დოლარამდეა, რაც სესხებს, გრანტებს და ტექნიკურ დახმარებას მოიცავს. ამის შესახებ აზერბაიჯანულ მედიასთან ინტერვიუში საქართველოში ADB-ის წარმომადგენლობის ხელმძღვანელმა, ლესლი ლამმა განაცხადა.
"ამ თანხიდან 935 მილიონი დოლარი პირდაპირ კერძო სექტორზეა გამოყოფილი. სუვერენული სესხების პორტფელი ამჟამად 1.9 მილიარდ დოლარს შეადგენს, რომლის ნახევარზე მეტი სატრანსპორტო და საგზაო ინფრასტრუქტურაზეა მიმართული, მესამედი კი ურბანული ინფრასტრუქტურისა და წყლის პროექტებზე", - თქვა მან.
ლესლი ლამმა გამოხატა მხარდაჭერა პროექტების მიმართ, რომლებიც მიზნად ისახავს საგზაო ქსელების, წყალმომარაგებისა და კანალიზაციის სისტემების და ენერგეტიკული ინფრასტრუქტურის მოდერნიზებას.
„ამ ინვესტიციებმა უკვე დაიწყო შედეგის მოტანა, გაუმჯობესდა ეკონომიკური შესაძლებლობები და გაზარდა რეგიონული მნიშვნელობა“, - აღნიშნა ლამმა.
ვრცლად bm.ge - ზე
