სამხრეთ კორეული ნახევარგამტარების გიგანტი SK hynix რეკორდულ ფინანსურ შედეგებს აფიქსირებს. კომპანიამ 2026 წლის პირველ კვარტალში ისტორიული მაჩვენებლები აჩვენა, რასაც მთავარი მიზეზი ხელოვნური ინტელექტისთვის საჭირო მეხსიერების ჩიპებზე უზარმაზარი მოთხოვნაა.
კომპანიის შემოსავალი 198%-ით გაიზარდა და 52.6 ტრილიონ ვონს მიაღწია (დაახლოებით 35 მილიარდ დოლარზე მეტი), ხოლო ოპერაციული მოგება ხუთჯერ გაიზარდა და რეკორდულ 37.6 ტრილიონ ვონს გაუტოლდა. წმინდა მოგებამ კი დაახლოებით 40.3 ტრილიონ ვონს მიაღწია.
მთავარი მამოძრავებელი ძალა გახდა HBM (High Bandwidth Memory) ჩიპები, რომლებიც გამოიყენება Nvidia-სა და სხვა AI პლატფორმების სუპერკომპიუტერებში. SK hynix დღეს ამ ბაზრის ერთ-ერთ ლიდერად ითვლება და თავად კომპანიის განცხადებით, მომდევნო სამი წლის შეკვეთებიც კი უკვე აღემატება მათ ამჟამინდელ საწარმოო შესაძლებლობებს.
ბაზრის ასეთმა მოთხოვნამ კომპანიის აქციებიც მკვეთრად გაზარდა — 2026 წელს SK hynix-ის აქციები თითქმის 90%-ით არის გაძვირებული, ხოლო საბაზრო კაპიტალიზაციამ დაახლოებით 590 მილიარდ დოლარს მიაღწია.
კომპანია აგრესიულ გაფართოებასაც იწყებს. ახლახან SK hynix-მა დააანონსა $12.85 მილიარდიანი ახალი ქარხანა, რომელიც AI მეხსიერების ჩიპებისთვის აშენდება. დამატებით, კომპანია ASML-ისგან ძვირადღირებულ EUV მოწყობილობებს ყიდულობს, რათა შემდეგი თაობის ჩიპების წარმოება დააჩქაროს.
ექსპერტები მიიჩნევენ, რომ ეს შედეგები მხოლოდ ერთი კომპანიის წარმატება არ არის — ეს არის ნიშანი, რომ ხელოვნური ინტელექტის ეპოქაში გამარჯვებულები ის კომპანიები ხდებიან, ვინც „ტვინის“ ნაცვლად მისთვის საჭირო მეხსიერებას აწარმოებენ.
წყაროები:
- Reuters – SK hynix sets record quarterly profit
- Wall Street Journal – Record quarterly results amid AI boom
- Reuters – New $12.85B AI memory plant
