საქსტატის ოფიციალური მონაცემებით, თევზის ინდუსტრიაში ყველაზე დიდი მოცულობით „ცისარტყელა კალმახი“ იწარმოება, რომლის წარმოებამ გასულ წელს 1 316 ტონა შეადგინა.
ამავე ცნობით, გასულ წელს ქვეყნის ტერიტორიაზე, ტბორებსა და წყალსატევებში წარმოებული თევზის 61% ოჯახურ მეურნეობებში იყო წარმოებული. გამონაკლისია მხოლოდ ზუთხისებრთა სახეობები, რომელთა 93%-ის მიმწოდებლები საწარმოები არიან.
ოჯახური მეურნეობები აწარმოებენ ორაგულისებრთა სახეობების 59%-ს, კობრისებრთა ოჯახის თევზეულის 70%-ს და ლოქოსებრთა სახეობის 74%-ს.
თევზის სახეობების წარმოების 2022 წლის მაჩვენებლები ასეთია:
კობრი და სარკისებური კობრი - 572 ტონა
თეთრი და ჭრელი სქელშუბლა - 410 ტონა
თეთრი ამური - 232 ტონა
ზუთხისებრნი - 178 ტონა
ლოქოსებრნი - 32 ტონა
