ზაფხულში გასაბერი და კარკასული აუზები ერთ-ერთი ყველაზე მოთხოვნადი პროდუქტია. ყველაზე მარტივად კატეგორიებისა და ფასების მიხედვით მათი შერჩევა მომხმარებლებს ონლაინ მაღაზიებში შეუძლიათ.
„კომერსანტი“ გთავაზობთ გასაბერი და კარკასული აუზის ფასებს 3 დიდ ონლაინ მაღაზიაში.
bestway.ge-ზე საბავშვო გასაბერი აუზების ფასები 35-იდან 200 ლარამდე მერყეობს. ზრდასრულებისთვის გასაბერი აუზის ყველაზე მცირე მოცულობა 450 ლ-ია, რომელიც შესაბამისად, ყველაზე იაფია და 90 ლარი ღირს. მოცულობის მიხედვით ფასები იზრდება და ყველაზე დიდი მოცულობით 5377ლიტრიანი აუზის ფასი 360 ლარია. ბავშვებისთვის კარკასული აუზის შეძენას აქ ყველაზე მცირე 130 ლარად შეძლებთ. ფასები ზრდადია აუზის მოცულობის მიხედვით და ყველაზე დიდი მოცულობით - 52 231 ლ, კარკასული აუზი 6500 ლარი ღირს.
wishlist.ge -ზე საბავშვო გასაბერი აუზის ფასები 19 ლარიდან 230 ლარის ფარგლებში მერყეობს. ყველაზე დიდი გასაბერი აუზი კი 3638 ლ მოცულობით 389 ლარი ღირს. რაც შეეხება კარკასულ აუზებს, ზომისა და მოცულობის მიხედვით ფასები განსხვავდება. ყველაზე პატარა საბავშვო კარკასული აუზის ფასი 99 ლარია, ყველაზე დიდი მოცულობით, 30045 ლ, კარკასული აუზი კი 4300 ლარი ღირს.
liloshop.ge -ზე საბავშვო გასაბერი აუზების ფასი 19-იდან 260 ლარამდე მერყეობს. კარკასული აუზის ფასი აქ 358-ლარიდან (მოცულობა 2300ლ) იწყება და 2920 (მოცულობა 14812ლ) ლარამდე ადის.
