„მზად ვართ, დავიწყოთ ყველა პროცედურა, რაც დადგენილებით დაგვევალა“ - პარაგლაიდინგის ფედერაცია

პარაგლაიდინგის ფედერაცია მზადყოფნას გამოთქვამს, კანონით მისთვის დაკისრებული მოვალეობა შეასრულოს. ამის შესახებ ასოციაციის განცხადებაშია აღნიშნული.

„მოგესალმებით თითქმის ერთწლიანი პაუზის შემდეგ! ამ ხნის მანძილზე ჩატარებული თავდაუზოგავი სამუშაოების შემდეგ, საქართველოს პარაგლაიდინგის ფედერაცია მზად არის დაიწყოს ყველა ის პროცედურა, რაც დაევალა მთავრობის 175-ე დადგენილებით.

მთავრობის 175-ე დადგენილება მოიცავს ინფორმაციას პარაპლანით ფრენების წარმოების, ექსპლუატაციის, უსაფრთხოებისა და ამ წესით განსაზღვრული საქმიანობისთვის დადგენილი საფასურების ოდენობის განსაზღვრისა და გადახდის დროებითი წესის დამტკიცების შესახებ.

ძირითადი სამუშაოები წარიმართა შემდეგი მიმართულებებით:

ოპერატორისა და საფრენი ლოკაციის ვარგისიანობის დადგენა, მფრინავის ლიცენზირებისთვის საჭირო გამოცდები და სხვა ქვეყნების ორგანიზაციების მიერ გაცემული ლიცენზიების აღიარება, პარაპლანისა და საფრენი აღჭურვილობის ვარგისიანობის დადგენა.

თითოეული სამუშაო მიმართულებისთვის შექმნილია შესაბამისი კომისია, რომელიც ზემოთ აღნიშნული დადგენილების შესაბამისად წარმართავს პროცესებს.

10/06/2023-დან აქტიურად დაიწყო განაცხადების მიღება ყველა მიმართულებით.

ოპერატორისა და საფრენი ლოკაციის ვარგისიანობის დასადგენად, ასევე მფრინავთა ლიცენზირებისთვის გამოცდებზე/აღიარებაზე განცხადებების შევსება შესაძლებელია ერთ მისამართზე: თბილისი, დავით აღმაშენებლის ხეივანი 172გ. მეოთხე სართული.

პარაპლანის და საფრენი აღჭურვილობის ვარგისიანობის დასადგენად განცხადებების შევსება, ასევე შესაბამისი სერვისის მიღება შესაძლებელი იქნება შემდეგ მისამართზე: თბილისი, გიორგი ჭყონდიდელის 85. მე-12-ე საჯარო სკოლა, სართული 4“, - ნათქვამია ორგანიზაციის განცხადებაში.

რეგისტრაციის ფასები დადგენილებით არის განსაზღვრული.