მარნეულში წისქვილკომბინატები ხორბალს იბარებენ. ერთ-ერთ მათგანს „აგროსისტემებს“ ხორბლის ჩასაბარებლად ქვემო ქართლისა და კახეთის რეგიონების მეხორბლეებმა მიმართეს.
როგორც „აგროსისტემების“ დირექტორი რენა ბაბაევა აცხადებს, პროცესის წარმატებას ხელი აქტიურად შეუწყო იმ ფაქტმა, რომ, მთავრობის გადაწყვეტილებით, იმპორტირებულ ფქვილზე საიმპორტო საფასური დაწესდა.
„წელს ხორბლის კარგი მოსავალია. წისქვილები ნელ-ნელა ამუშავდა და უკვე ჩაბარებაც დაწყებულია. ძალიან დაგვეხმარა მთავრობის გადაწყვეტილება - საიმპორტო საფასურის დაწესება. დაგვიკავშირდნენ სხვადასხვა მუნიციპალიტეტიდან: ბოლნისიდან, დმანისიდან, თეთრიწყაროდან, სადახლოდან.
ხორბალს ვიბარებთ კახეთის რეგიონის მეხორბლეებისგანაც. პროცესი აღდგა და ვფიქრობ, უკეთესი შედეგი გვექნება. თუ ასეთი ტემპით იმუშავებს წისქვილკომბინატები, მეხორბლეები კმაყოფილები იქნებიან“, - განაცხადა „აგროსისტემების“ დირექტორმა რენა ბაბაევამ.
