თავდაპირველად მხოლოდ ბავშვებზე გათვლილი რბილი სათამაშო Jellycat გლობალურ ჰიტად იქცა, განსაკუთრებით ჩინეთში, სადაც იმედგაცრუებული ახალგაზრდები მათში კომფორტს პოულობენ.
Jellycat ჩინურ ბაზარზე ჯერ კიდევ 2015 წელს შევიდა. მოგვიანებით კომპანიამ შეძლო “პანდემიის განწყობის დაჭერა“ ანუ იმ პერიოდში, როცა ადამიანები გაურკვევლობის ფონზე კომფორტს ეძებდნენ. ბრენდის პოპულარობას მნიშვნელოვნად შეუწყო ხელი pop-up მაღაზიებმაც, სადაც ბევრი გულშემატკივარი იღებს ვიდეოებს, როგორ ემსახურებიან მათ და შემდეგ სოციალურ ქსელებში აზიარებს.
ლოკალიზაცია Jellycat-ის სტრატეგიის მნიშვნელოვანი ნაწილია. მაგალითად, ლონდონის Selfridges-ში დროებით მაღაზიაში მომხმარებლებს შეეძლოთ თევზის, ჩიფსისა და ტრადიციული ბრიტანული ბარდის საკვების შეძენა. პეკინსა და შანხაიში კი უფრო ადგილობრივებისთვის სიმბოლური ჩაიდნისა და ფინჯნის ფორმის სათამაშოები გაიყიდა.
2024 წელს ბრიტანული კომპანიის შემოსავალი ორი მესამედით გაიზარდა და $459 მილიონს მიაღწია. ამის შესახებ Companies House-ის ბოლო ანგარიშშია აღნიშნული. ამავე პერიოდში, Jellycat-მა ჩინელ მომხმარებლებზე დაახლოებით $117 მილიონის პროდუქცია გაყიდა.
კომპანიის წარმატება ასახავს ჩინეთში კოლექციური სათამაშოების ბაზრის ფართო ბუმს განსაკუთრებით იმ ახალგაზრდა ზრდასრულებში, რომლებიც ემოციურ კომფორტსა და კავშირს ეძებენ.
ჩინეთში კოლექციური სათამაშოების გაყიდვები 110 მილიარდ იუანს გადააჭარბებს - ნათქვამია ჩინეთის სოციალური მეცნიერებების აკადემიის 2024 წლის ანგარიშში.
Pop Mart-ის მიერ შექმნილი ელფისმაგვარი თოჯინა Labubu ამ ტენდენციის თვალსაჩინო მაგალითია და ახალგაზრდებში კოლექციური სათამაშოებისადმი მზარდ ინტერესს უსვამს ხაზს.
2024 წელს გლობალური სათამაშოების გაყიდვები მცირედით, ერთ პროცენტზე ნაკლებით შემცირდა, თუმცა კოლექციური სათამაშოების გაყიდვები თითქმის 5%-ით გაიზარდა და რეკორდულ მაჩვენებელს მიაღწია.
Jellycat მოულოდნელად იქცა მსუბუქ და ირონიულ საშუალებად, რომლითაც ჩინელი ახალგაზრდები ნელი ეკონომიკის მიმართ უკმაყოფილებას გამოხატავენ - რეალობაში, სადაც შრომა ყოველთვის შესაბამის ანაზღაურებას აღარ იძლევა. მიუხედავად მკაცრი ცენზურისა, ინტერნეტი ასეთი საუბრებისთვის ერთ-ერთ მთავარ სივრცედ რჩება.
ბრენდი ხშირად უშვებს შეზღუდული სერიის პროდუქტებს და ძველ დიზაინებს ბაზრიდან ხსნის. ეს სტრატეგია, რომელსაც ჩინეთში "შიმშილის მარკეტინგს“ უწოდებენ, Jellycat-ს სოციალურ ქსელებში კიდევ უფრო პოპულარულს ხდის.
შეგროვება ბევრისთვის საგანძურის ძიებას ჰგავს — მოგზაურობისას ადამიანები მაღაზიებს ათვალიერებენ Jellycat-ის სათამაშოების საპოვნელად. იშვიათი Jellycat-ები კი ზოგჯერ 1 400 დოლარზე მეტადაც იყიდება.
თუმცა უმეტესობისთვის ეს იაფი განტვირთვის საშუალებაა ეკონომიკის შენელების ფონზე, რომელსაც უძრავი
