ჯანდაცვის სამინისტრომ 3 000-მდე მედიკამენტის რეგისტრაციის პროცესი გააჩერა GMP სერტიფიკატის წარუდგენლობის გამო. ცვლილება უკავშირდება 1 ოქტომბრიდან ამოქმედებულ ახალ რეგულაციას, რომლის თანახმადაც, საქართველოში დასარეგისტრირებელ ან ხელახალი რეგისტრაციის გამვლელ ყველა პრეპარატს უნდა გააჩნდეს ევროპული GMP (Good Manufacturing Practice) სტანდარტის შესაბამისობის დამადასტურებელი დოკუმენტი — როგორც საბოლოო პროდუქტზე, ისე მის წარმოებაში გამოყენებულ სუბსტანციებზე.
ახალი წესის თანახმად, ევროპული GMP-ის გარეშე ქვეყანაში აღარ დაიშვება არც მედიკამენტის სუბსტანციის იმპორტი. მოთხოვნის შესრულება სავალდებულოა როგორც ადგილობრივი ფარმაცევტული მწარმოებლებისთვის, ასევე იმპორტიორი და დისტრიბუტორი კომპანიებისთვის.
ჯანდაცვის სამინისტროს ინფორმაციით,, რეგულაციის მიზანი ბაზარზე მედიკამენტების ხარისხის კონტროლის გამკაცრება და უსაფრთხოების საერთაშორისო სტანდარტებთან დაახლოებაა.
