"ჩემთვის, ეს ინვესტიცია გაცილებით მეტია, ვიდრე უბრალოდ მომგებიანი ბიზნეს გარიგება" -
ამის შესახებ ბიზნესმენი გიორგი რამიშვილი Silk Roud Group-ის მიერ სასტუმრო Rooms Kokhta-ს შესყიდვებთან დაკავშირებით აცხადებს.
როგორც ის სოციალურ ქსელ linkedin-ზე წერს, Rooms Kokhta-ს შეძენა მისთვის მნიშვნელოვანია, რადგან ბაკურიანი მისთვის ბავშვობის საუკეთესო მოგონებებს უკავშირდება.
"კომპანია „სილქ როუდ ჯგუფის“ მიერ ბაკურიანის ბრწყინვალე ქალაქში „რუმს" სასტუმროს შეძენა ჩემთვის ძალიან ძვირფასია, რადგან ჩემი ბავშვობის საუკეთესო მოგონებებიდან ზოგიერთი, ასევე ჩემი მეგობრებისა და თანამოთხილამურეების მოგონებები მჭიდრო კავშირშია ბაკურიანთან და მის მთავარ სათხილამურო ტრასასთან, კოხტა გორასთან.
პირადად ჩემთვის, ეს ინვესტიცია გაცილებით მეტია, ვიდრე უბრალოდ მომგებიანი ბიზნეს გარიგება. ეს ასევე ნიშნავს საქართველოს მთებში მდებარე ამ შესანიშნავი ადგილისთვის დაბრუნებას ყველა იმ თბილი მოგონებისთვის, რაც მან მე, ჩემს მთელ თაობას და ჩვენი მშობლების თაობებს მაჩუქა.
მტკიცედ მწამს, რომ ძლიერი ქართული მთების შუაგულში თხილამურებით სრიალი თავისუფლების, სიხარულის და ბუნებასთან კავშირის განცდას მოაქვს, რაც ყველა ჩვენგანისთვის მნიშვნელოვანია. ეს Sil Roud-ის საინვესტიციო ფილოსოფიის დიდი ნაწილია, რომელიც დიდი ხნის განმავლობაში უჭერდა მხარს საქართველოს სათხილამურო ფედერაციას და ეროვნულ სათხილამურო ნაკრებს, რამაც ხელი შეუწყო 2023 წელს ბაკურიანში მსოფლიო ჩემპიონატის წარმატებით ჩატარებას, რითაც ამაღლდა საქართველოს კურორტის ცნობადობა გლობალურ ასპარეზზე.
2023 წლის მსოფლიო ჩემპიონატიდან ბაკურიანი ყოველწლიური მსოფლიო თასის ჩატარების ადგილი გახდა, ხოლო კოხტას სათხილამურო ტრასა ამჟამად აღიარებულია მსოფლიოს ათ საუკეთესო ტრასას შორის, რაც ბაკურიანს ზამთრის სპორტის წამყვან ადგილად აქცევს. ჩვენი გრძელვადიანი ხედვაა, ხელი შევუწყოთ ბაკურიანის განვითარებას მდგრად და წარმატებულ მთელი წლის განმავლობაში განსახორციელებელ ადგილად ყველა სახის აქტივობისთვის, მათ შორის ადგილობრივი, რეგიონული და გლობალური მთის სპორტული ღონისძიებებისთვის და რაც მთავარია, მთელი მსოფლიოდან ყველა სეზონის ტურიზმის მოზიდვას",- წერს გიორგი რამიშვილი.
შეგახსენებთ, Silk Roud Group-მა ბაკურიანში, "აჭარა ჯგუფის" მფლობელობაში მყოფი სასტუმრო Rooms Kokhta Bakuriani შეიძინა. ახალ ბრენდზე, სასტუმროს მართვასა და განვითარებაზე Silk Hospitality იზრუნებს. ამის შესახებ ინფორმაცია Silk Hospitality-მ ოფიციალურ Facebook-ის გვერდზე გამოაქვეყნა.
Silk Hospitality, Silk Roud Group-ში შემავალი კომპანიაა, რომელიც ჯგუფის პორტფოლიოში არსებულ სასტუმროებს მართავს. მათ შორის, თბილისში ახლად გახხნილ სასტუმრო "ტელეგრაფს", სასტუმრო "რადისონ ბლუ ივერიას", წინანდლის მამულს - სასტუმრო "რადისონ ქოლექშენს", "პარკ ჰოტელ წინანდლის მამულს" და ა.შ.
