უკრაინის საგარეო საქმეთა მინისტრის, ანდრეი სიბიგას განცხადებით, კიევი მომხრეა, რომ უკრაინისა და რუსეთის ლიდერების შეხვედრის ადგილი თურქეთი იყოს.
მინისტრმა მადლობა გადაუხადა თურქეთს მსგავსი მცდელობისა და მზაობისთვის, დააორგანიზოს მაღალი დონის შეხვედრა.
„ჩვენ გვჯერა, რომ ზელენსკისა და პუტინის შეხვედრის ერთ-ერთი მთავარი ადგილია თურქეთი. გვაქვს კონკრეტული წინადადებები, როგორ დავასრულოთ ეს ომი. უკრაინა მშვიდობისკენ ისწრაფვის და ერთგული ვრჩებით ამჟამად მიმდინარე ყველა სამშვიდობო ძალისხმევის, მათ შორის შეერთებული შტატების მონაწილეობით მიმდინარე ძალისხმევის. ჩვენ ასევე ველოდებით, რომ ევროპა ახალ როლს შეასრულებს ამ სამშვიდობო ძალისხმევაში“, – აღნიშნა ანდრეი სიბიგამ.
