უკრაინა და პორტუგალია უკრაინული საზღვაო დრონების ერთობლივ წარმოებაზე შეთანხმდნენ, - ამის შესახებ უკრაინის პრეზიდენტის თანაშემწემ ალექსანდრ კამიშინმა განაცხადა.
„ჩვენ დავამტკიცეთ, რომ ჩვენი უეკიპაჟო კატერები იდეალურად მუშაობენ რუსული სამხედრო გემებისა და წყალქვეშა ნავების წინააღმდეგ. ახლა ისინი პორტუგალიას ზღვიდან ევროპის დაცვაში დაეხმარებიან“, - დაწერა კამიშინმა სოციალურ პლატფორმა X-ზე.
ამასთან, უკრაინის პრეზიდენტის თანაშემწემ გამოაქვეყნა, ფოტო, რომელზეც აღბეჭდილია, როგორ აწერენ დოკუმენტს ხელს უკრაინის პრეზიდენტი ვოლოდიმირ ზელენსკი და პორტუგალიის პრემიერ-მინისტრი ლუის მონტენეგრო, რომელიც კიევში იმყოფება.
