2025 წელს გლობალური ინფლაცია ზომიერად შემცირდა და 4.2%-ს მიაღწია, - ამის შესახებ აღნიშნულია Visual Capitalist-ის პუბლიკაციაში.
გამოცემის ცნობით, მიუხედავად იმისა, რომ აშშ-ის ტარიფებმა საუკუნის მაქსიმუმს მიაღწია, 2025 წელს ქვეყნების ნაწილმა ტარიფების მიმართ მდგრადობა აჩვენა.
პუბლიკაციაში ვკითხულობთ, რომ 2026 წლისთვის სავალუტო ფონდი გლობალური ინფლაციის 3.7%-მდე შემცირებას პროგნოზირებს, მაშინაც კი, თუ ტარიფების გავლენა კვლავაც შენარჩუნდება.
ქვეყნების მიხედვით, 2025 წელს ინფლაციის ყველაზე მაღალი მაჩვენებელი ვენესუელაში დაფიქსირდა და 269.9%-ს მიაღწია, ყველაზე დაბალი კი, -0.1% პანამაში იყო.
10 ქვეყანა, სადაც 2025 წელს ყველაზე მაღალი ინფლაცია დაფიქსირდა:
- ვენესუელა - 269.9%;
- სამხრეთ სუდანი - 97.5%;
- ზიმბაბვე - 89%;
- სუდანი - 87.2%;
- ირანი - 42.4%;
- არგენტინა - 41.3%;
- ბურუნდი - 37.3%;
- თურქეთი - 34.9%;
- მიანმარი - 31%;
- მალავი - 28.2%.
10 ქვეყანა, სადაც ინფლაცია ყველაზე დაბალ ნიშნულზეა:
- პანამა - -0.1%;
- ჩინეთი - 0%;
- ფიჯი - 0.1%;
- კატარი - 0.1%;
- შვეიცარია - 0.1%;
- ლიხტენშტაინი - 0.1%;
- ტაილანდი - 0.2%;
- ბაჰრეინი - 0.3%;
- სალვადორი - 0.3%;
- სენტ-ლუისი - 0.4%.
ამ რეიტინგში 191 ქვეყანას შორის საქართველო 68-ე ადგილზე მოხვდა. მონაცემების მიხედვით, საქართველოში 2025 წელს ინფლაცია 3.9%-ს შეადგენდა.
საქართველოს მეზობელ ქვეყნებს შორის ინფლაცია ყველაზე მაღალი თურქეთში იყო და 34.9% შეადგინა, რითაც მე-8 ადგილი დაიკავა.
თურქეთს 9%-იანი ინფლაციით მოსდევს რუსეთი, რომელიც 191 ქვეყანას შორის 27-ე ადგილზეა. 42-ე ადგილზე გავიდა აზერბაიჯანი, სადაც 2025 წელს ინფლაცია 4.2%-ს გაუტოლდა.
აღსანიშნავია, რომ საქართველოს მეზობელ ქვეყნებს შორის ინფლაცია ყველაზე დაბალი სომხეთშია. უფრო კონკრეტულად, 2025 წელს სომხეთში ინფლაციამ 3.3% შეადგინა, რითაც მსოფლიოში 98-ე ადგილზეა.
