რუსული ეკონომიკური გამოცემა The Bell-ის ინფორმაციით, პუტინმა რუს ოლიგარქებს დახურულ შეხვედრაზე ომის დაფინანსება და ბიუჯეტში "ნებაყოფლობითი შენატანების გაკეთება შესთავაზა".
გამოცემის ცნობითვე, პუტინს ეს იდეა „როსნეფტის“ აღმასრულებელმა დირექტორმა იგორ სეჩინმა მიაწოდა, დაფინანსების მექანიზმად კი სამხედრო ობლიგაციების გამოშვება შესთავაზა.
The Bell წერს, რომ ზოგიერთმა ბიზნესმენმა თხოვნას შეხვედრაზევე უპასუხა. ერთ-ერთი წყაროს ცნობით, ოლიგარქმა სულეიმან კერიმოვმა 100 მილიარდი რუბლის შენატანის პირობა დადო. შეხვედრაზე მყოფმა სულ მცირე კიდევ ერთმა ცნობილმა ბიზნესმენმა დაუჭირა მხარი ამ იდეას, თუმცა მან თავისი შენატანის ოდენობა არ გაამხილა.
