ლარი ფინკი, მსოფლიოში უდიდესი საინვესტიციო ფირმის, BlackRock-ის აღმასრულებელი დირექტორი, მიიჩნევს, რომ ერთ წელიწადში ნავთობი ან 150 დოლარი, ან 40 დოლარი ეღირება - სავარაუდოდ, საშუალო ფასი არ არსებობს.
მან ეს პროგნოზი BBC-სთან ინტერვიუში გააკეთა, ახლო აღმოსავლეთში არსებულ ვითარებაზე კომენტარის გაკეთებისას.
„შემიძლია წარმოვიდგინო სცენარი, რომლის დროსაც ნავთობის ფასი ერთ წელიწადში ბარელზე 40 დოლარი იქნება, მაგრამ ასევე შემიძლია წარმოვიდგინო 150 დოლარზე მეტი ფასის აწევა. ასე რომ, ჩვენ ორი ძალიან განსხვავებული სცენარის წინაშე ვდგავართ. საუბრებში, მათ შორის აშშ-ის მთავრობის წარმომადგენლებთან, ჩემთვის ნათელი გახდა: ყველამ უნდა გაიგოს, რომ სავარაუდოდ, „შუა ფასი“ არ არსებობს - ყველაფერი ერთ ან მეორე უკიდურესობაში გადაწყდება“, - თქვა ფინკმა.
