მსოფლიოს უმსხვილესი კომპანიების მიერ გადახდილი დივიდენდების საერთო მოცულობა 2026 წლის მეორე კვარტალში წინა წელთან შედარებით 7.3%-ით გაიზარდა და 757.8 მილიარდ აშშ დოლარს მიაღწია, - ამის შესახებ ნათქვამია ბრიტანული კომპანია Janus Henderson Investors-ის კვლევაში.

ფინანსური ინდუსტრიის წარმომადგენლებისგან განხორციელებული გადახდები ყველაზე მნიშვნელოვანი იყო და 239.7 მილიარდ აშშ დოლარს შეადგენდა, რაც გასული წლის მაჩვენებელზე 8.1%-ით მეტია.

ევროპული კომპანიების (დიდი ბრიტანეთის გამოკლებით) დივიდენდები 3.2%-ით გაიზარდა (242.3 მილიარდ დოლარამდე), ხოლო დიდი ბრიტანეთის კომპანიების დივიდენდები 14.6%-ით გაიზარდა (39.5 მილიარდ დოლარამდე). აშშ-ის კომპანიების დივიდენდები ჯამში 302.1 მილიარდ დოლარს შეადგენდა, ხოლო აზია-წყნარი ოკეანის რეგიონის (იაპონიის გამოკლებით) დივიდენდები 118.4 მილიარდი დოლარით გაიზარდა.

გასულ კვარტალში დივიდენდების გაცემის ლიდერები იყვნენ Saudi Arabian Oil (Aramco), Nestle, HSBC, Allianz, Microsoft Corp., Nvidia Corp., Tencent, Agricultural Bank of China, PetroChina Co. და Zurich Insurance Group. 20 უმსხვილესი კომპანიის მიერ გაცემული გადახდები ჯამში 136.2 მილიარდ აშშ დოლარს, ანუ გლობალური მთლიანი თანხის 18%-ს შეადგენდა.

გლობალურად, უკან გამოსყიდვის(buyback) საერთო მოცულობა 26.8%-ით გაიზარდა და 572 მილიარდ დოლარს მიაღწია. ტექნოლოგიურმა კომპანიებმა 121.1 მილიარდი დოლარის ღირებულების აქციები გამოისყიდეს, რაც ყველა ინდუსტრიას შორის ყველაზე მაღალი მაჩვენებელია.

Janus Henderson-ის პროგნოზით, 2026 წლის ბოლოსთვის გლობალურად გადახდილი დივიდენდების საერთო მოცულობა 5-6%-ით გაიზრდება, ხოლო buyback - 7-8%-ით.

წყარო: interfax